Enerso, Nobel Energy-nin törəmə şirkəti olaraq dayanıqlı enerji sahəsində fəaliyyət göstərir və bərpa olunan enerji layihələrinin inkişafı, idarə edilməsi və elektrik enerjisinin ticarəti ilə məşğuldur.

Enerji trilemmasının əsas çağırışlarını nəzərə alaraq, biz etibarlılıq, əlçatanlıq və dayanıqlılıq arasında balansın yaradılmasına töhfə verməyi qarşıya məqsəd qoymuşuq. Dayanıqlılığa yönəlmiş yanaşmamızla biznes və cəmiyyətlərin daha təmiz və dayanıqlı gələcəyə keçidinə dəstək oluruq.

Peşəkar mütəxəssislərdən ibarət komandamız hər bir müştərinin unikal ehtiyaclarına uyğun həllər yaratmağa böyük həvəslə yanaşır. İstər kiçik biznes, istərsə də iri korporasiya olsun, təmiz enerjiyə keçidin mürəkkəbliyini düzgün şəkildə idarə etmək və məqsədlərinizə tam uyğun əsaslandırılmış qərarlar qəbul etməyiniz üçün lazımi bilik və təcrübəyə malikik.

Enerso təmiz enerjini davamlı inkişafın əsas elementlərindən biri hesab edir və müştərilərinə karbon emissiyalarının azaldılması və enerji səmərəliliyinin artırılması üçün müasir həllər təklif edir.

Missiyamız

Biz qlobal enerji keçidini dəstəkləyən təmiz və dayanıqlı həllər təqdim edirik və müştərilərimizin enerji səmərəliliyini artıraraq karbon izlərini azaltmalarına kömək edirik.

Baxışımız

Biz bərpa olunan enerji sahəsində imkanları genişləndirərək, bizneslər və cəmiyyətlər üçün daha təmiz və dayanıqlı enerji perspektivi yaradırıq.

Dəyərlərimiz

Davamlılıq

Biz ətraf mühitə təsirimizi ciddi şəkildə nəzərə alırıq. Fəaliyyətimizi ən yüksək keyfiyyət standartlarına uyğun şəkildə həyata keçirərkən, dayanıqlı inkişaf məqsədlərimizə sadiq qalmağı əsas prinsip kimi qəbul edirik.

Təhlükəsizlik

Biz biznes fəaliyyətimizi ən yüksək sosial, ekoloji və təhlükəsizlik təcrübələrinə uyğun aparırıq. Biz yaxşı bir korporativ vətəndaş olmaq öhdəliyimizə sadiqik. Əməkdaşlarımızın sağlamlığına və təhlükəsizliyinə, obyektlərimizin və ətraf mühitin qorunmasına böyük önəm veririk.

İnsanlara yönəlik

Uğur hekayələrimizin əsas təkanverici qüvvəsi olan insanları ən dəyərli varlığımız hesab edirik. Əməkdaşlarımızın sağlamlığına və inkişafına böyük diqqət yetirməklə, biz mədəniyyətlərin, fikirlərin, bacarıqların və təcrübələrin müxtəlifliyini dəstəkləyən iş mühitinin yaradılması öhdəliyimizə sadiq qalırıq. Hər kəsin bərabər hüquq və imkanlara, yüksək dəyərlərə malik olduğu sağlam mühiti təmin edirik.

Bütövlük

Biz başqalarına və özümüzə qarşı dürüstük. Bütün biznes fəaliyyətimizdə ən yüksək etik standartlara cavab veririk. Söz verdiyimizi edirik. Məsuliyyətimizi tam anlayıb etdiklərimizə və etməli olub etmədikərimizə görə özümüzü cavabdeh bilirik.

Mükəmməllik

İş prinsipimiz və sistemlərimizin davamlı inkişafını dəstəkləyərək gördüyümüz işlərdə yüksək iş icrasının və əməliyyatların həyata keçirilməsində mükəmməlliyin təmin edilməsinə can atırıq.

İnnovasiya

Biz innovasiya əsasında olan inkişafı vacib hesab edirik. Qabaqcıl texnologiyaların və çevik iş görmək üsullarının üstünlüklərindən istifadə edərək rasional, risklər baxımından balanslaşdırılmış və bütün maraqlı tərəflərin dəyər verdiyi təşəbbüslərə yatırım edirik. Biz gəlir mənbələrini artırmaq və eyni zamanda ətraf mühitlə bağlı davamlı inkişafı təmin etmək məqsədilə yenilikçi həll yolları tətbiq edirik.

Korporativ idarəetmə

Biz fəaliyyətimizi dürüstlük, dayanıqlılıq və mükəmməllik dəyərləri çərçivəsində həyata keçirməyimizi təmin edən korporativ idarəetmə strukturu formalaşdırmışıq. Bu struktur biznesimizin səmərəli və peşəkar şəkildə idarə olunmasına xidmət edir. Enerso-nun idarəetmə strukturu iki əsas hissədən ibarətdir – İcra Orqanı (direktor) və Ali Orqan (səhmdarlarlar).

Biz kimik?